03.11.2025

Növbəti vətəndaş qəbulu Qəbələdə keçiriləcək

Noyabrın 14-də Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin İdarə Heyətinin sədri Vüqar Behbudov Qəbələ rayonunda vətəndaş qəbulu keçirəcək. Qəbulda Qəbələ ilə yanaşı, İsmayıllı rayon sakinləri də iştirak edə bilərlər.

Qəbul zamanı imtiyazlı şəxslərin mənzil (fərdi ev), avtomobil təminatı, sanatoriya-kurort yollayışları ilə təminatı və digər sosial məsələlər üzrə müraciətləri cavablandırılacaq. 

Müraciət etmək istəyən vətəndaşlar 12 noyabr 2025-ci il tarixinə qədər (012) 525-41-30 (daxili 5625) telefon nömrəsinə zəng edərək, sxa@sosial.gov.az elektron poçt ünvanına məktub göndərərək, yerli filiala yaxınlaşaraq, o cümlədən Agentliyin sosial şəbəkə hesabları vasitəsilə qəbula yazıla bilərlər.