“Sənin qəhrəmanın” - Vətən müharibəsi əlili Sadiq Əsgərov

Azərbaycan Milli Ordusunun Quru Qoşunlarının əsgəri, Vətən müharibəsi Sadiq Beytulla oğlu Əsgərov 1989-cu ildə Özbəkistan Respublikası, Karasu şəhərində anadan olub. 

Orta təhsilini Bakıda alan Sadiq Əsgərov 2008-ci ildə hərbi həqiqi xidmətə yollanıb. 

Sadiq Vətən müharibəsi başlayanda da ərazi bütövlüyümüzün bərpa olunması uğrunda döyüşlərə qatılıb. Füzuli və Qubadlı rayonlarının, eləcə də Daşaltı kəndinin düşməndən azad edilməsi uğrunda gedən döyüşlərdə fəal iştirak edib. 44 günlük haqq savaşımızın son günlərinə qədər döyüşən qəhrəmanımız Daşaltı istiqamətində gedən qızğın döyüşlərin birində düşmənin atdığı snayper gülləsi ilə qolundan yaralanıb. 

Prezident İlham Əliyevin müvafiq Sərəncamlarına əsasən "Vətən müharibəsi iştirakçısı",  “Cəsur döyüşçü”, "Şuşanın azad olunmasına görə" və “Füzulinin azad olunmasına görə” medalları ilə təltif edilib. 

İki övladına numunə ata olan Sadiq Əmək və Əhalinin Sosial Müdafiəsi Nazirliyi tərəfindən Sumqayıt ərazisində yerləşən yeni yaşayış kompleksində 2 otaqlı, tam təmirli mənzillə təmin olunub.