Sosial Xidmətlər Agentliyinin İdarə Heyətinin sədri Vüqar Behbudov Ağstafa şəhərində qəbul keçirib.

Əmək və Əhalinin Sosial Müdafiəsi Nazirliyinin tabeliyində SosialXidmətlərAgentliyinin İdarə Heyətinin sədri Vüqar Behbudov Ağstafa şəhərində vətəndaş qəbulu keçirib.

Qəbulda Ağstafa ilə yanaşı Tovuz və Qazax rayonlarından olan 40-a yaxın sakin iştirak edib.

Qəbul zamanı imtiyazlı şəxslərin ev və avtomobil təminatı, səyyar sosial xidmətin təşkili, sanatoriya-kurort yollayışları ilə təminat və s. mövzularda müraciətləri cavablandırılıb.

Sosial Xidmətlər Agentliyinin fəaliyyət istiqamətlərinə dair müraciəti olan hər bir vətəndaş qəbulda iştirak edə bilər. Bunun üçün vətəndaşlar (012) 525-41-30 (daxili 5614, 5043) telefon nömrəsinə zəng edə, sxa@sosial.gov.az elektron poçt ünvanına məktub göndərə, yerli filiala yaxınlaşa, o cümlədən Agentliyin sosial şəbəkə hesablarına müraciət edə bilərlər.