Daha 62 imtiyazlı şəxs sanatoriya mərkəzinə göndərilib

Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyi tərəfindən daha 62 imtiyazlı şəxs yollayışla təmin olunaraq xəstəliklərinə uyğun sanatoriya mərkəzinə göndərilib.

Onlar şəhid ailəsi üzvləri və əlilliyi müəyyən edilmiş şəxslərdir. 18 yaşınadək əlilliyi müəyyən edilmiş şəxslər valideynlərindən birinin müşayiəti ilə göndəriliblər.

Yollayışla təmin olunanlar Duzdağ Estate sanatoriyasında bərpa-müalicə kursu keçəcəklər.

Sosial Xidmətlər Agentliyi tərəfindən postmüharibə dövründə 12 700-dən çox imtiyazlı şəxs yollayışla təmin olunaraq sanatoriya-kurort və müalicə mərkəzlərinə yola salınıb.