“Sənin qəhrəmanın” - Vətən müharibəsi əlili Behruz Bağıri

Xüsusi Təyinatlı Qüvvələrin əsgəri, Vətən müharibəsi əlili Behruz Mövsüm oğlu Bağıri 31 avqust 1990-cı ildə Sumqayıt şəhərində anadan olub. 2007-2010-cu illərdə Sumqayıt Texniki Kollecində təhsil alıb. 2010-cu ildə həqiqi hərbi xidmətə yollanıb. 

44 günlük Vətən müharibəsində Cəbrayıl, Füzuli və Xocavənd rayonlarının düşməndən azad olunması uğrunda gedən döyüşlərdə fəal iştirak edib. Behruz Bağıri 2020-ci il noyabr ayının 4-də Xocavənd istiqamətində gedən qızğın döyüşdə ayağından və baş nahiyəsindən ağır yaralanıb. 

Prezident İlham Əliyevin müvafiq Sərəncamları ilə Bəhruz Bağıri “Hərbi xidmətdə fərqlənməyə görə" 3-cü dərəcəli medalı, həmçinin "Qubadlının azad olunmasına görə", “Füzulinin azad olunmasına görə” və “Xocavəndin azad olunmasına görə” medalları ilə təltif edilib. 

Qəhrəmanımız Əmək və Əhalinin Sosial Müdafiəsi Nazirliyi tərəfindən Sumqayıt ərazisində yerləşən yeni yaşayış kompleksində 2 otaqlı, tam təmirli mənzillə təmin olunub.