Sənin Qəhrəmanın - Vətən müharibəsi ilə əlaqədar əlilliyi olan Elvin Qəhrəmanlı

Azərbaycan Milli Ordusunun Quru Qoşunlarının əsgəri, Vətən müharibəsi əlili Elvin Camal oğlu Qəhrəmanlı 1992-ci ildə Bakı şəhərində anadan olub. Orta təhsilini Sabunçu rayon 67 saylı tam orta məktəbdə alıb.

Tarixi zəfərimizlə başa çatan Vətən müharibəsində Ağdərə, Tərtər, Suqovuşan istiqamətlərində gedən qızğın döyüşlərdə fəal iştirak edib. Qəhrəmanımız 2020-ci il oktyabr ayının 21-də Tərtər-Ağdərə istiqamətində yaralanıb.

Prezident İlham Əliyevin müvafiq Sərəncamları ilə “Hərbi xidmətdə fərqlənməyə görə”, “Cəsur döyüşçü” və “Suqovuşanın azad olunmasına görə” medalları ilə təltif edilib.

Üç övladı olan Elvin Qəhrəmanlı Əmək və Əhalinin Sosial Müdafiəsi Nazirliyi tərəfindən Ramana yaşayış kompleksində üçotaqlı, tam təmirli mənzillə təmin olunub.