Sənin Qəhrəmanın - Vətən müharibəsi ilə əlaqədar əlilliyi olan Həsən Yaqubov

Azərbaycan Milli Ordusunun Quru Qoşunlarının əsgəri, Vətən müharibəsi əlili Həsən Fədail oğlu Yaqubov 1988-ci ildə Sumqayıt şəhərində anadan olub. Orta təhsilini Sumqayıt şəhərində alıb. 2006-2008-ci illərdə Daşkəsən rayonunda hərbi həqiqi xidmətdə olub.

Tarixi zəfərimizlə başa çatan Vətən müharibəsində Qubadlı rayonunun azadlığı uğrunda gedən döyüşlərdə fəal iştirak edib. 2020-ci ilin oktyabr ayının 30-da həmin döyüşlər zamanı ağır yaralanıb.

Qəhrəmanımız Prezident İlham Əliyevin müvafiq Sərəncamlarına əsasən "Vətən müharibəsi iştirakçısı", “Cəsur döyüşçü” və "Qubadlının azad olunmasına görə" medalları ilə təltif edilib.

İki övladı olan Həsən Əmək və Əhalinin Sosial Müdafiəsi Nazirliyi tərəfindən Abşeron rayonunda yerləşən yeni yaşayış kompleksində mənzillə təmin olunub.