Sənin Qəhrəmanın - Vətən müharibəsi ilə əlaqədar əlilliyi olan Sabir İmanov

Azərbaycan Respublikasının Daxili İşlər Nazirliyinin Daxili qoşununun baş çavuşu, Vətən müharibəsi əlili Sabir İman oğlu İmanov 1992-ci ildə Masallı rayonu Xırmandalı  kəndində anadan olub. Orta təhsilini Masallı rayonunda alıb.

Qəhrəmanımız Vətən müharibəsi zamanı Füzuli, Cəbrayıl, Xocavənd, Şuşa istiqamətlərində gedən qızğın döyüşlərdə fəal iştirak edib. 05.11.2020-ci il tarixində Şuşa şəhəri uğrunda gedən döyüşlərdə yaralanıb.

Prezident İlham Əliyevin müvafiq Sərəncamı ilə o, “Vətən müharibəsi iştirakçısı” medalı ilə təltif edilib.

Üç övladı olan Sabir Əmək və Əhalinin Sosial Müdafiəsi Nazirliyi tərəfindən Səbail rayonu ərazisində yerləşən yaşayış kompleksində mənzillə təmin olunub.