Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin İnsan Alveri Qurbanlarına Yardım Mərkəzinin və Gənclər və İdman Nazirliyinin Şirvan-Salyan Regional Gənclər və İdman İdarəsinin birgə təşkilatçılığı ilə “Erkən nikah-insan alverinə şərait yaradan amillərdən biri kimi” mövzusunda maarifləndirici tədbir keçirilib.
“Uşaq hüquqları aylığı” çərçivəsində təşkil edilən görüşdə hər iki qurumun nümayəndələri, eləcə də Şirvan rayon gəncləri və şagirdlər iştirak edib.
İştirakçılara uşaq hüquqlarının yaranma tarixi, yerli və beynəlxalq qanunvericilik, dövlət tərəfindən uşaq hüquqlarının müdafiəsi sahəsində görülən işlər barədə məlumatlar verilib.
İnsan Alveri Qurbanlarına Yardım Mərkəzinin nümayəndələri Mərkəzin fəaliyyəti, insan alveri qurbanlarına göstərilən xidmətlər və insan alveri mövhumu, onun mahiyyəti və formaları, həmçinin uşaqlara xas aspektləri barədə təqdimatlar ediblər.
Sonda tədbir iştirakçılarını maraqlandıran suallar cavablandırılıb və müzakirələr aparılıb.
Paylaş:
LinkedIn
Twitter
Facebook
Whatsapp
Telegram