Peşə-Əmək Reabilitasiya Mərkəzində bu il əlilliyi olan 225 gəncə peşə və sosial reabilitasiya xidmətləri göstərilib

Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin Əlilliyi olan şəxslərin Peşə-Əmək Reabilitasiya Mərkəzində bu il 225 gəncə peşə və sosial reabilitasiya xidmətləri göstərilib.

Gənclər burada kompüter istifadəçisi, dərzi, bərbər, toxuculuq və s. peşə hazırlığı kurslarına cəlb ediliblər.

Hazırda Mərkəzdə 135 nəfərin peşə və sosial reabilitasiya kursu davam edir. Mərkəzə qəbul olunanlar burada dövlət hesabına yataqxana, yemək, reabilitasiya xidmətləri ilə də təmin olunurlar.