Sosial Xidmətlər Agentliyinin İdarə Heyətinin sədri Vüqar Behbudov Samux rayonunda vətəndaş qəbulu keçirib

Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin İdarə Heyətinin sədri Vüqar Behbudov Samux rayonunda vətəndaş qəbulu keçirib. 

Qəbulda 20-ə yaxın vətəndaş iştirak edib. 

Qəbul zamanı imtiyazlı şəxslərin mənzil (fərdi ev), avtomobil təminatı, səyyar sosial xidmətin təşkili, sanatoriya-kurort yollayışları ilə təminat və s. mövzularda müraciətləri cavablandırılıb. 

Vətəndaş qəbulları mütəmadi olaraq müxtəlif rayonlarda təşkil edilir və müraciətlərə baxılması işinin səmərəliliyinin artırılması məqsədi daşıyır. 

Bu ilin ötən dövründə 10 rayon üzrə keçirilən qəbullarda ümumilikdə 130-a yaxın vətəndaşın müraciətinə baxılıb. 

Sosial Xidmətlər Agentliyinin fəaliyyət istiqamətlərinə dair müraciəti olan hər bir vətəndaş qəbulda iştirak edə bilər. Bunun üçün vətəndaşlar 📞(012) 525-41-30 (daxili 5614, 5043) telefon nömrəsinə zəng edə, 📧 sxa@sosial.gov.az elektron poçt ünvanına məktub göndərə, yerli filiala yaxınlaşa, o cümlədən Agentliyin sosial şəbəkə hesablarına müraciət edə bilərlər.